Siyosiy-ma’rifat soati

Siyosiy-ma’rifat soati

Qo‘ng‘irot tumani Axborot-kutubxona markazi xodimlari navbatdagi siyosiy-ma’rifat soatida onlayn tarzda faol ishtirok etdilar.

Siyosiy-ma’rifat soatida O‘zbekiston Respublikasi Prezidenti Shavkat Mirziyoyevning 13–16-sentabr kunlari Koreya Respublikasiga amalga oshirgan davlat tashrifi hamda tashrif doirasida o‘tkazilgan muhim uchrashuv va muzokaralar haqida ma’lumotlar berildi.

Tashrif davomida davlatimiz rahbari Seul shahrida Koreya Respublikasi Prezidenti Li Chje Myon bilan tor va kengaytirilgan tarkibda muzokaralar o‘tkazdi. Shuningdek, Koreya Respublikasi Milliy Assambleyasi Spikeri Cho Chjon Shik, Bosh vaziri Xan Son Suk, yirik kompaniyalar va moliya institutlari rahbarlari bilan uchrashuvlar bo‘lib o‘tdi.

Tashrif doirasida O‘zbekiston–Koreya biznes forumi ham o‘tkazilib, unda qo‘shma loyihalarni amalga oshirish, investitsiyaviy hamda savdo-iqtisodiy hamkorlikni kengaytirishga qaratilgan muhim kelishuvlar imzolandi.

16-sentabr kuni Prezidentimiz Seul shahrida bo‘lib o‘tgan birinchi “Markaziy Osiyo – Koreya Respublikasi” sammitida ishtirok etdi. Sammitda xavfsizlik, savdo, investitsiya, infratuzilma, raqamli texnologiyalar, ilm-fan, ta’lim va boshqa yo‘nalishlarda hamkorlikni rivojlantirish masalalari muhokama qilindi.

📌 Siyosiy-ma’rifat soatida mazkur tashrifning mazmun-mohiyati, O‘zbekiston va Koreya Respublikasi o‘rtasidagi hamkorlikni yanada rivojlantirishga qaratilgan kelishuvlar hamda xalqaro aloqalarning ahamiyati haqida batafsil ma’lumotlar berildi.