21Sep-2026
“Kitapqumar analar kúni”
Shańaraq hám hayal-qızlar komitetiniń baslaması menen “Kitapqumar analar kúni” 2022-jıl oktyabr ayınan baslap hár aydıń 17-sánesinde ótkerilip kelinbekte. Joybardıń súreni “Barlıq reformalardı shańaraq, analardıń mánawiyatı menen ámelge asıramız” bolıp, gózlengen maqset bolsa jámiette jańa ruwxıy mákan jaratıw, jaqsı ideyalar, milliy qádiriyatlar, úrp-ádet, muqaddes dástúrlerdi sińdiriwge qaratılǵan sistemalı úgit-násiyat jumısların alıp barıw, kitap hám kitapqumarlıqtı perzent, ásirese, qızlardıń tárbiyası, bilimlendiriwi, shańaraq mánawiyatı, aǵartıwshılıq jámiet qurıwǵa baylanıslı ideyalardı alǵa qoyıw, shańaraqtıń tárbiyalıq-bilimlendiriw potencialın bekkemlewden ibarat. 2026-jıl 17-sentyabr kúni Qońırat rayonı málimleme kitapxana orayında gezektegi “Kitapqumar analar” kúni bolıp ótti. Kitapqumar ana Tórebaeva Munavvar Nargiza Erkabaevanıń “Magnit hayal” kitabınıń prezentaciyasın ótkerdi hám ilaj qızǵın pikir-talaslarǵa bay túrde ótti.
