“Jaz ótip atır saz” temasında súwretler tańlawı

“Jaz ótip atır saz” temasında súwretler tańlawı

Qońırat rayonı Málimleme-kitapxana orayınıń xızmetkerleri “Jayxun-2” dem alıw orayınıń balaları arasında “Jaz ótpekte saz” temasında súwretler tańlawın ótkerdi.

Balalar ózleriniń qıyalındaǵı jaz peyzajın júdá shıraylı etip saldı. Keyin bolsa hár bir bala óz salgan súwretin kórsetip, ondaģı jazģi tásirleri hám basınan ótkergen waqıyaların zawıq penen aytıp berdi. Kitapxana xızmetkeri de balalardıń jumısların kórip, olardıń dóretiwshiligin júdá joqarı bahaladı hám hár birine óziniń jıllı pikirlerin bildirdi.

Tańlaw balalardıń súwretlew kórkem ónerine bolǵan qızıǵıwshılıǵın arttırıw, olardıń dóretiwshilik pikirlewin rawajlandırıw hám bos waqıtların mazmunlı shólkemlestiriwge xızmet etti. Ilaj dawamında balalar bir-biriniń jumısları menen tanısıp, óz-ara pikir alıstı hám kóterińki keypiyatta waqıt ótkerdi.