24Aug-2026
“Dóretiwshi hayal menen ushırasıw”
2026-jıl 14-avgust kúni Qońırat rayonı Málimleme-kitapxana orayında “Dóretiwshi hayal menen ushırasıw” temasında Jáhán jazıwshılar awqamınıń aǵzası Zulayha Ywldasheva menen ushırasıw keshesi shólkemlestirildi.
Ilajda Málimleme-kitapxana orayı xızmetkerleri tárepinen Zulayha Ywldashevanıń ómiri hám dóretiwshiligi haqqında maǵlıwmatlar berildi. “San ishinde watan,” “Báhár jılları,” “Men súygen hayal” kitaplarınıń prezentaciyası ótkerildi.
Dóretiwshilik ushırasıwǵa rayonımızdaǵı bir qatar shayır, jazıwshılar, nuraniy ata-analarımız, máhálle hayal-qızlar belsendileri qatnastı. Olardan Artikov Joldas, Ziynetulla Xojaniyazov, Barno Hayotbaxsh, Gúlsara Ywldasheva hám klaslas dosları shıǵıp sóylep, Zulayha Ywldashevanıń kóp qırlı dóretiwshiligin joqarı bahalap, miynetlerin atap ótti.
Zulayha Yuldashevanıń shǵarmalarında insan táǵdiri, watan saǵınıshı, turmıs táshwishleri, quwanısh hám shadlıqları keń kólemde sáwlelendirilip, joqarı kórkemlik talqılawda ashıp berilgen.
