“Eń jaqsı kitapqumar oqıwshı” tańlawı

“Eń jaqsı kitapqumar oqıwshı” tańlawı

Qońırat rayonı Málimleme-kitapxana orayı xızmetkerleri tárepinen “Jayxun-2” balalar dem alıw orayı tárbiyalanıwshıları arasında “Eń jaqsı kitapqumar oqıwshı” tańlawı ótkerildi.

Tańlawdıń tiykarǵı maqseti oqıwshılar arasında kitap oqıw mádeniyatın keńnen úgit-násiyatlaw, olardıń kórkem ádebiyatqa bolǵan qızıǵıwshılıǵın arttırıw hám belsendi kitapqumarlardı xoshametlewden ibarat boldı.

Tańlaw dawamında qatnasıwshılar oqıǵan kitapları boyınsha óz pikir-usınısların bildirdi, shıǵarmanıń mazmunı, qaharmanları hám olardan alǵan juwmaqları haqqında aytıp berdi. Juwmaǵında bilim hám kitapqumarlıq mádeniyatı menen ajıralıp turǵan eń belsendi qatnasıwshılar múnásip bahalanıp, húrmet jarlıqları menen sıylıqlandı.

Bul tańlaw balalardıń kitapqa bolǵan mehrin jáne de bekkemlew, olardı kitap oqıwǵa keńnen tartıw hám bos waqıtların mazmunlı shólkemlestiriwde úlken áhmietke iye boldı.