“Repressiya qurbanlarınıń esteligi máńgi jasaydı”

“Repressiya qurbanlarınıń esteligi máńgi jasaydı”

2025-2026-jıllarda mámleketimizde repressiya qurbanlarınıń ómiri hám jumısın úgit-násiyatlaw hám olardıń jarqın esteligin eslew maqsetinde, Qońırat rayonı Málimleme-kitapxana orayı xızmetkerleri tárepinen Qońırat mámleketlik toǵay awshılıq xojalıǵı xızmetkerleriniń qatnasıwında “Repressiya qurbanlarınıń esteligi máńgi jasaydı” atamasında dógerek sáwbeti shólkemlestirildi.
Dógerek sáwbeti dawamında ǵárezsizligimiz, xalqımızdıń azatlıǵı hám aydın keleshegi jolında janın pidá etken milletimiz pidayıları, jadid babalarımızdıń ómir jolı, olardıń aǵartıwshılıq jumısı hám repressiya jıllarındaǵı ashshı táǵdiri haqqında sóz boldı.
Sonday-aq, Málimleme-kitapxana orayı xızmetkerleri tárepinen temaǵa baylanıslı kitaplar kórgizbesi shólkemlestirilip, qatnasıwshılarǵa rayon kitapxanasında bar bolǵan tariyxıy hám kórkem ádebiyatlar tanıstırıldı.