05Oct-2026
Siyasiy-aǵartıwshılıq saatı
Qońırat rayonı Málimleme-kitapxana orayınıń xızmetkerleri siyasiy-aǵartıwshılıq saatınıń gezektegi sanında onlayn tárizde belsene qatnastı.
Siyasiy-aǵartıwshılıq saatınıń bul sanında hápte dawamında mámleketimizde júz bergen eń áhmietli siyasiy, sociallıq, bilimlendiriw, sport hám ekonomikalıq waqıyalar haqqında tolıq maǵlıwmatlar berildi.
Hápteniń eń áhmietli waqıyalarınan biri – Samarqand qalasında bolıp ótken 46-Pútkiljáhán shaxmat olimpiadasında Ózbekstan Milliy saylandı komandasınıń absolyut chempionlıqtı qolǵa kirgizgeni boldı. Jeńimpaz shaxmachılarımız Tashkenttegi Arqa vokzalda saltanatlı túrde kútip alındı. Jigitlerimiz qolındaǵı chempionlıq kubogi hám bálent jelbirep turǵan Ózbekstan bayraǵı hámmege ózgeshe bayram keypiyatı hám sheksiz maqtanısh baǵıshladı.
Sonday-aq, Ózbekstan Respublikası Prezidenti Shavkat Mirziyoev shaxmat hám para shaxmat boyınsha Ózbekstan saylandı komandalarınıń aǵzaları, olardıń ata-anaları hám trenerleri menen ushırastı.
