18Aug-2026
“Mutolaa” platformasına baǵıshlanǵan úgit-násiyat
Qaraqalpaqstan Respublikası Qońırat rayonı Málimleme-kitapxana orayı tárepinen Ózbekstan Respublikası Prezidentiniń 2026-jıl 20-apreldegi “Jańa Ózbekstan jasları – 2030” strategiyasın tastıyıqlaw hámde jaslardı hár tárepleme qollap-quwatlaw is-ilajları haqqında”ǵı PP-66-sanlı Pármanı, Áliysher Nawayı atındaǵı Ózbekstan Milliy kitapxanasınıń 2026-jıl 29-apreldegi 47-sanlı buyrıǵı hámde Qaraqalpaqstan Respublikası Málimleme-kitapxana orayınıń 2026-jıl 7-apreldegi 11-sanlı buyrıǵınıń orınlanıwı sheńberinde MMTBǵa qaraslı 1-sanlı mektepte “Oqıw” platformasına baǵıshlanǵan úgit-násiyat ilajı ótkerildi.
Ilajdı Málimleme-kitapxana orayınıń qánigeleri G.Allayarova hám B.Mustafaevalar alıp bardı. Dógerek sáwbetiniń tiykarǵı maqseti jaslar arasında kitapqumarlıq mádeniyatın rawajlandırıw, ásirese, shetki aymaqlardaǵı oqıwshılardı kitapqumarlıq procesine keńnen tartıw hám 2026-2030-jıllar dawamında olardıń keminde 30 procentin “Oqıw” joybarında belsene qatnasıwǵa iytermelewden ibarat boldı.
Ilaj dawamında qatnasıwshılarǵa “Mutolaa” platformasınıń qolaylıqları, onnan paydalanıw tártibi hám imkaniyatları haqqında tolıq maǵlıwmat berildi. Temaǵa baylanıslı videorolikler kórsetilip, oqıwshılardı qızıqtırǵan sorawlarǵa juwap berildi. Dógerek sáwbetinde 80 nen aslam oqıwshı belsene qatnastı.
Sonday-aq, mektep hám Málimleme-kitapxana orayı arasında kóshpeli kitapxana xızmetin jolǵa qoyıw boyınsha birge islesiw shártnamasına qol qoyıldı. Bul birge islesiw oqıwshılardıń kitap hám málimleme resurslarınan jáne de keń hám nátiyjeli paydalanıwına xızmet etedi.
