“Kitaplar álemine sayaxat” dep atalǵan sayaxat

“Kitaplar álemine sayaxat” dep atalǵan sayaxat

✓ #Jaz_ótpekte_saz
📅 2026-jil 27-iyun
Balalardıń jazǵı dem alıs kúnlerin tek ǵana qızıqlı emes, al intellektuallıq potencialın arttıratuǵın tárizde ótkeriw maqsetinde, Qońırat rayonı Málimleme-kitapxana orayı xızmetkerleri tárepinen “Jayhun-2” balalardıń jazǵı dem alıw orayında “Kitaplar álemine sayaxat” dep atalǵan sayaxat shólkemlestirildi.
Ilaj baǵdarlamasınan neler orın aldı?
➤Sıyqırlı kitapqumarlıq dúnyası: Balalar ushın ózbek hám jáhán balalar ádebiyatınıń eń saylandı úlgileri, waqıyalarǵa bay shıǵarmalar hámde ren‘li súwretlerge iye qızıqlı ertek kitaplarınıń prezentaciyası ótkerildi.
➤ Ziyrek balajan viktorinası: Dem alıw orayı tárbiyalanıwshıları arasında logikalıq pikirlew hám kitapqumarlıq dárejesin sınawshı qızıqlı soraw-juwaplar hám viktorinalar shólkemlestirildi. Shaqqan hám bilimli balalar óz sheberliklerin kórsetti.
✓ Tiykarǵı maqsetimiz
Jazdıń ıssı kúnlerinde balalardıń internet hám smartfonlardan uzaqlasıp, kitap penen doslasıwın támiyinlew, olardıń dúnyaqarasın keńeytiw hám dem alıstı shın mánisinde mazmunlı shólkemlestiriw bolıp esaplanadı.
Dem alıw orayında balalardıń jazǵı dem alısı kitaplar qushaǵında, umıtılmas máwritler menen dawam etpekte!