06May-2026
“Qaraqalpaqtıń qos bayteregi”
#Ibrayim_Yusupov_97_jıl
#Tólepbergen_Qayipbergenov_97_jıl
2026 jıl 4-may kúni Qońırat rayonı Málimleme-kitapxana orayı hámde Qońırat rayonı Ishki isler xızmetkerleri birgelikte 5-may Ózbekstan qaharmanı Ózbekstan hám Qaraqalpaqstan xalıq shayırı Ibrayim Yusupovtıń 97 jıllıǵına hám 7-may Ózbekstan qaharmanı Ózbekstan hám Qaraqalpaqstan xalıq jazıwshısı Tólepbergen Qayipbergenov 97 jıllıǵına arnap “Qaraqalpaqtıń qos bayteregi” atamasında sáwbet keshesi shólkemlestirildi.
Ilajda Qońırat rayonı IIB janındaǵı Qorǵaw xizmeti baslıǵı orınbasarı aģa leytenant Aytbaev Sanjar Sadullaevich sózge shıǵıp shayır Ibrayım Yusupov hám jazıwshı Tólepbergen Qayıpbergenovlardı eske aldı. Olardıń qaraqalpaq ádebiyatına qosqan úlesi, ómiri hám dóretiwshiligi haqqında aytıp ótti. Málimleme-kitapxana orayı abonement hám paydalanıwshılarǵa xızmet kórsetiw xızmeti qánigeleri Muxtarbaeva Madina Tólepbergen Qayıpbergenovtıń, Ashıkbaeva Guljayna Ibrayım Yusupovtıń ómiri, tvorchestvosı, basıp ótken jolları, qosıqları, shıǵarmaları haqqında maǵlıwmatlar berdi. Abonement hám paydalanıwshılarǵa xızmet kórsetiw xızmeti baslıǵı Anar Yakupbaeva Tólepbergen Qayıpbergenovtıń “Baxıtsızlar” kitabınıń prezintatsiyasın ótkerdi. Sondayaq ilajda shayır Ibrayim Yusupov hám jazıwshı Tólepbergen Qayipbergenovlardıń kitapları kórgizbesi shólkemlestirildi. Bul ullı tulǵalardıń bizge qaldırǵan ádebiy miyrasların tereń úyreniw, qásterlew, kelesi áwladlarǵa jetkerip beriw bizdiń minnetimiz bolıp esaplanadı.
