20Apr-2026
“Kitapqumarlıq hápteligi”niń ashılıw máresimi
#Kitapqumar_millet #Ashılıw_maresimi #Kitaplar_korgizbesi
️Ózbekstan Respublikası Prezidentiniń 2026-jıl 15-yanvardaǵı “Kitapxanlıq mádeniyatın rawajlandırıw hám xalıq arasında, ásirese jaslar arasında kitap oqıwǵa qızıǵıwshılıqtı arttırıw is-ilajları haqqında”ǵı 9-sanlı qararına muwapıq, 2026-jıl 13- ️17-aprel kúnleri elimiz boylap VI Respublikalıq “Kitapqumarlıq hápteligi” keńnen belgilenbekte.
️”Kitapqumar millet” súreni astında Qaraqalpaqstan Respublikası Qońırat rayonı Málimleme-kitapxana orayında da usı háptelik sheńberinde bir qatar ruwxıy-aǵartıwshılıq ilajlar shólkemlestirildi.
Hápteliktiń saltanatlı ashılıw máresiminde Respublikalıq Ruwxıylıq hám aǵartıwshılıq orayı Qońırat rayonı bólimi baslıǵı U.Tlewmuratova, rayon hákimliginiń din isleri boyınsha qánigesi YU. Kalekeev hám Qaraqalpaqstan Respublikası Qorǵaw basqarması Qońırat rayonlar aralıq qorǵaw bóliminiń xızmetkeri Sanjar Aytbaev shıǵıp sóylep, barlıq qatnasıwshılardı usı “Kitapqumar millet” súreni sheńberinde ótkeriletuǵın VI Respublikalıq “Kitapqumarlıq hápteligi”niń ashılıw máresimi menen qızǵın qutlıqladı.
Ilaj dawamında kitaptıń insan ómirindegi ornı, jaslar tárbiyasındaǵı áhmieti, kitap oqıwdıń pikirlew hám dúnyaqarastı keńeytiwdegi sheksiz roli haqqında ayrıqsha atap ótildi. Bayramnıń kórkemlik bólimi bolsa jáne de kóterińki ruwxta ótti.
Qońırat rayonı Mektepke shekemgi hám mektep bilimlendiriwi bólimine qaraslı 53, 18, 41-sanlı mektep oqıwshıları hámde 22 hám 6-sanlı mektepke shekemgi bilimlendiriw mákemeleriniń tárbiyalanıwshıları tárepinen tayarlanǵan saxnalıq kórinisler, qosıqlar hám muzıkalı shıǵıwlar bárshege bayram keypiyatın úlestirdi.
🎨 ️Qońırat rayonı “Keleshek” orayınıń oqıwshıları da ilajda belsene qatnasıp, ózleriniń ráńbáreń hám mazmunlı súwretleri menen bársheniń itibarın tarttı.
➤ 🖌Olar tárepinen islengen dóretiwshilik jumıslar kitap, bilim hám mánawiyat temaların ayqın sáwlelendirip, kórgizbege ózgeshe ruwx baǵıshladı.
✅ Ilaj sońında jıl dawamında turaqlı túrde kitap oqıw menen shuǵıllanıp kiyatırǵan nuraniy ata-analar ayrıqsha atap ótildi.
️ Sonday-aq, “Kitapqumarlıq hápteligi”nde belsene qatnasqan barlıq qatnasıwshılarǵa minnetdarshılıq diplomları tapsırıldı.
️ Ilaj sheńberinde shólkemlestirilgen kitaplar kórgizbesi bolsa kitapqumarlar ushın haqıyqıy ruwxıy azıq bolıp xızmet etti.
✨ Kitapqumarlıq hápteligi dawam etedi! Bársheni usı kitapqumarlıq hápteliginde belsene qatnasıwǵa shaqıramız!
#KitapqumarlıqHápteligi
