20Nov-2023
“Jańa Ózbekstan hám insan huqıqları” temasında dógerek sáwbeti
Qońırat rayonı Málimleme-kitapxana orayı xızmetkerleri hám Qaraqalpaqstan Respublikası Transportta qáwipsizlikti támiyinlew basqarması kapitanı Ibragimov Ruslan Amangeldievich, leytenant Jumambetov Karamat Ajiniyaz ulı menen birgelikte “Jańa Ózbekstan hám insan huqıqları” atamasında dógerek sáwbeti ótkerildi.
Dógerek sáwbetinde bayanatshılar insan huqıqları tarawındaǵı bilimlendiriw hár bir puqaranıń insan huqıqlarına húrmetin xoshametlew hám oǵan hár tárepleme ámel etiliwin támiyinlewde, sonday-aq, zorlıq-zombılıq hám kelispewshiliklerdiń aldın alıwda da ayrıqsha áhmietke ie ekeni túsindirildi. Bunnan tısqarı, dógerek sáwbeti qatnasıwshılarına usı qarar menen 2020-2024-jıllarda insan huqıqları tarawında bilim beriw arqalı jaslardıń huqıqları menen imkaniyatların keńeytiwge qaratılǵan Insan huqıqları tarawındaǵı Jáhán bilimlendiriw baǵdarlamasınıń tórtinshi basqıshı ámelge asırılıp atırǵanı hám “Jańa Ózbekstan” sharayatında insan huqıqları tarawında ámelge asırılıp atırǵan túpkilikli reformalar haqqında sóz etildi. Ilaj qızıqlı hám mazmunlı ótti. Dógerek sáwbeti qatnasıwshıları ózlerin qızıqtırǵan sorawlarǵa juwap aldı.
